बझाङ। बझाङमा भालुले आक्रमण गर्दा बुवा र छोरी घाईते भएका छन्। बझाङ थलारा गाउँपालिका वडा नम्बर ८ गण्डाउली बस्ने ६० वर्षीय मदनराज जोशी र उनकै १३ वर्षीया छोरी देउसरा जोशीलाई भालुले आक्रमण गरेको हो ।
शनिवार साँझ भालुले दुबैलाई आक्रमण गरी घाईते बनाएको छ । उनीहरुको अनुहार, टाउको, शरीर र हातमा गहिरो चोट लागेको र घाइतेहरुको अहिले जिल्ला अस्पताल बझाङमा उपचार भइरहेको जिल्ला प्रहरी कार्यालय बझाङका सूचना अधिकारी तथा प्रहरी निरीक्षक दिपेश चौधरीले जानकारी दिए।घर नजिकै राखिएको मौरी घार हेर्न गएका बेला उनीहरुलाई शनिवार भालुले आक्रमण गरेको थियो ।
