धनगढी। आइसक्रिम बेच्ने ठेलागाडी पल्टिदा घाइते भएका धनगढीका एक जनाको मृत्यु भएको छ ।
शनिबार कञ्चनपुरको पुनर्वास नगरपालिका–१० दोदास्थित धनगढी–बेलौरी हुलाकी सडकखण्डमा दोदाबाट विकाशबस्ती लैजादै गरेको आइसक्रिम बेच्ने साइकल (ठेला गाडी) अनियन्त्रित भएर गम्भिर घाइते भएका कोनारद रानाको मृत्यु भएको हो। आइसक्रिम बेच्ने साइकल ठेलागाडी सडकबाट करिब ५/६ फिट तल खसेको प्रहरीले जनाएको छ ।
शनिबार साँझ घाईते भएका ठेलागाडी चालक धनगढी उपमहानगरपालिका–१५ का ३० वर्षीय राना गम्भिर घाइते लाई मायामेट्रो अस्पताल धनगढीमा लगीएको थियो । उपचारको क्रममा राति नै मृत्यु भएको प्रहरीले जनाएको छ। घटनाको विषयमा इलाका प्रहरी कार्यालय त्रिभुवनबस्तीबाट आवश्यक अनुसन्धान भइरहेको बताइएको छ।
