कञ्चनपुर। कञ्चनपुरको एक गोठमा आगलागी भएको छ। जिल्लाको बेल्डाँडी गाउँपालिका-२ शिविर बस्ने चित्रे दमाइको गोठमा बुधवार राति आगलागी भएको हो।
गोठको बाहिर रहेको चुलोमा बालेको आगोबाट अचानक आगलागी हुँदा गोठभित्र रहेका एउटा गाई र गाईको बाच्छो जली घाइते भएको र ३ वटा बाख्रा जलेर मरेका प्रहरीले बताएको छ । आगलागीबाट अन्दाजी ३ लाख रुपैयाँ बराबरको क्षति भएको बताइएको छ। आगलागी स्थानीय र प्रहरीको सहयोगमा नियन्त्रणमा लिइएको थियो । घटनाबारे इलाका प्रहरी कार्यालय बेल्डाँडीले आवश्यक अनुसन्धान गरिरहेको जनाएको छ ।
