बाजुरा। बाजुराको छेडेदह तालमा डुंगा पल्टिदा एक जना वेपत्ता भएका छन्। खप्तड छेडेदह गाउँपालिकामा रहेको छेडेदह तालमा डुंगा पल्टिँदा सोहि गाउँपालिका ७ लम्गाउँका गणेश रावतका छोरा अन्दाजी ३२ बर्षका बिरेन्द्र रावत वेपत्ता भएका हुन्।
आज दिउँसो तालमा डुंगामा चढेको बेला अचानक तालमा डुंगा पल्टिदा रावत वेपत्ता भएका जिल्ला प्रहरी कार्यालय बाजुराले जनाएको छ। डुंगामा सवार अन्य ६ जना भने सकुशल रहेको बताइएको छ। अहिले प्रहरीको टोली घटना स्थलतर्फ गएको र रावतको खोजी कार्य भइरहेको प्रहरीले जनाएको छ।
