कञ्चनपुर। कञ्चनपुरमा नाला खन्ने क्रममा भरुवा बन्दुक फेला परेको छ। शुक्रवार दिउँसो कञ्चनपुरको भीमदत्त नगरपालिका–१५ गोबरिया राधाकृष्ण टोल स्थित फोहर नाला खन्ने क्रममा भरुवा बन्दुक फेला परेको हो ।
माटोभित्र खिया लागेको अवस्थामा भरुवा बन्दुक थान १ फेला परेको जिल्ला प्रहरी कार्यालय कञ्चनपुरले जनाएको छ। यस सम्बन्धमा जिल्ला प्रहरी कार्यालय कञ्चनपुरले आवश्यक अनुसन्धान भईरहेको जनाएको छ।
