धनगढी। कैलालीको गोदावरीमा नेपाली सेनाको गाडी र मोटरसाइकल ठोक्किएर दुर्घटना भएको छ।
शुक्रवार साँझ गोदावरी नगरपालिका–२ को राष्ट्रिय वाणिज्य बैंक नजिकै गोदावरीतर्फ जाँदै गरेको बा६८प ५९८४ नम्बरको मोटरसाइकल र तेघरी ब्यारेकको बा९च ५७३६ नम्बरको गाडी ठोक्किएर दुर्घटना भएको हो।दुर्घटना हुँदा मोटरसाइकल चालक लम्कीचुहा नगरपालिका–९ बस्ने २० वर्षीय नविन चौधरी र पछाडि सवार जानकी गाउँपालिका–४ बस्ने २४ वर्षीय कृष्ण डगौरा घाइते भएका छन्।
उनीहरूको अत्तरियाको पद्मा अस्पतालमा उपचार भइरहेको छ।उनीहरुले मादक पदार्थ सेवन गरेको र एउटै मोटरसाईकलमा ४ जना सवार रहेको प्रहरीले बताएको छ। सेनाको जिप र चालक लेस नायक दमनबहादुर सिंहलाई इलाका प्रहरी कार्यालय मालाखेतीले नियन्त्रणमा लिएको छ।
