बझाङ। बझाङ घर भएका एक प्रहरी जवान मृत फेला परेका छन्। जिल्लाको थलारा गाउँपालिका वडा नम्बर ९ सिरेटा घर भएका अन्दाजी २९ वर्षीय प्रहरी जवान प्रकाशचन्द्र जोशी मृत फेला परेका हुन् ।
उनी बिहीवार रुखमा झुण्डिएको अवस्थामा मृत फेला परेका थिए । मृतकका दाइ विजय जोशीका अनुसार उनी काठमाडौँमै कार्यरत थिए । प्रहरी प्रधान कार्यालयका प्रवक्ता डीआइजी भीम ढकालले मृत्युको कारण नखुलेको बताए । यस सम्बन्धमा प्रहरीले थप अनुसन्धान भइरहेको जनाएको छ ।
