धनगढी। लागूऔषधसहित कञ्चनपुरबाट कैलालीकी एक किशोरी पक्राउ परेकी छिन् । कैलालीको कैलारी गाउँपालिका वडा नम्बर १ की १८ वर्षीया किशोरीलाई सोमवार साँझ प्रहरीले कञ्चनपुरको पुनर्वास नगरपालिका-११ डोके बजारबाट पक्राउ गरेको हो।
जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक प्रकाश डाँगीले उनलाई १ ग्राम २४० मिलिग्राम लागूऔषध (खैरो हेरोईन)सहित प्रहरी चौकी परासन, कञ्चनपुरबाट खटिएको प्रहरी टोलीले पक्राउ गरेको बताए।
