बैतडी। बैतडीमा फरार रहेका ३ जना अभियुक्त पक्राउ परेका छन्। प्रहरीका अनुसार दशरथचन्द नगरपालिका-६ का ४४ वर्षीय नारायणसिंह ऐरी, ४७ वर्षीय अर्जुनसिंह रावल र ५१ वर्षीय भीमसिंह ठगुन्ना पक्राउ परेका हुन्।
विष्फोटक पदार्थ सम्बन्धी कसुर मुद्दामा जनही १ महिना १९ दिन कैद सजाय भई फरार रहेका उनीहरुलाई बुधवार गढी बजारबाट पक्राउ गरिएको जिल्ला प्रहरी कार्यालय बैतडीका प्रवक्ता नन्दराज जोशीले बताए। उनले पक्राउ परेका तीनै जनलाई आवश्यक कारबाहीका लागि जिल्ला अदालतमा पेश गरिएको बताए ।
