धनगढी। कैलालीको धनगढीबाट लागूऔषधसहित ६ जना पक्राउ परेका छन्।जिल्ला प्रहरी कार्यालय कैलाली र प्रहरी चौकी त्रिनगर, कैलालीबाट संयुक्त रुपमा खटिएको प्रहरी टोलीले ६ जना युवकलाई लागूऔषधसहित फेला पारी पक्राउ गरेको हो।
कैलालीको धनगढी उपमहानगरपालिका-३ भन्सार नजिकबाट ४०० मिलिग्राम लागूऔषधसहित कन्चनपुरको पुनर्वासनगरपालिका-१० भिमबस्ती बस्ने २३ वर्षीय नविन सुनारसहित चार जनालाई शुक्रवार दिउँसो प्रहरीले पक्राउ गरेको हो।
यस्तै धनगढी उपमहानगरपालिका-२ फनपार्कबाट १ ग्राम ५०० मिलिग्राम लागूऔषधसहित बझाङको दुर्गाथली गाउँपालिका-७ बस्ने १९ वर्षीय रोहित सिंहलाई शुक्रवार साँझ प्रहरीले पक्राउ गरेको छ। रोहितलाई जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो।
यस्तै धनगढी उपमहानगरपालिका-२ ट्राफिक चोकबाट ११० मिलिग्राम लागूऔषधसहित डोटीको शिखर नगरपालिका-८ बस्ने २१ वर्षीय कबिर बलायरलाई पनि शुक्रवार साँझ प्रहरीले पक्राउ गरेको छ। बलायरलाई पनि जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो। जिल्ला प्रहरी कार्यालय कैलालीले सो सम्बन्धमा थप अनुसन्धान गरिरहेको बताएको छ।
